Ohiko galderak

Planoa deskargatu

Baluarten kultura pertsona guztiek 

goza dezaten nahi dugu.

Horregatik, hainbat baliabide ditugu 

ikuskizunetara eta kontzertuetara iristea errazteko.

Baliabide horiek 

zentzumen-desgaitasuna duten pertsonentzat dira. 

Adibidez, ikusmen-, entzumen- 

edo kognizio-desgaitasuna duten pertsonentzat.

Sarrera irisgarriak

Baluarten, 

lehen hiru ilaretako eserlekuen % 10 

gordetzen ditugu 

zentzumen-irisgarritasunerako baliabideak 

behar dituzten pertsonentzat.

Sarrera horien prezioa 

ikuskizun edo kontzertu horretarako 

eskuragarri dagoen eserlekurik merkeena 

izango da.

Sarrera horiek erosteko, 

webgunean Sarrera Irisgarriak atalera 

jo behar da.

Erosketa-prozesuan, 

«Zentzumen-irisgarritasuna» aukera 

hautatu behar da.

Ondoren, formulario bat irekiko da. 

Bertan, pertsona bakoitzaren beharrak 

azal daitezke.

Laguntza-baliabideak eta kokapen jakin bat 

ere eska daitezke.

Baliabideak eta kokapenak 

erabilgarritasunaren araberakoak dira.

Laguntza-baliabideak

• Bibrazio-motxilak

Bibraziozko motxilek 

musika bibrazio bihurtzen dute.

Horrela, entzumen-desgaitasuna duten pertsonek 

musikaren erritmoa eta intentsitatea 

senti ditzakete.

• Banakako begizta magnetikoak

Banakako begizta magnetikoek 

ikuskizunaren soinua hobeto entzuten 

laguntzen dute.

Entzungailu edo kokleako inplante 

bateragarriekin erabiltzen dira.

Gailu horiek hondoko zarata 

murrizten dute eta entzumena errazten dute.

• Baliabideak jasotzea eta itzultzea

Laguntza-baliabideak 

Baluarteko arropa-zaindegian jasotzen dira.

Ikuskizuna hasi aurretik, 

teknikariek behar bezala 

funtzionatzen dutela egiaztatzen dute.

Horretarako, 

aretoko soinu-kontrolera jo behar da.

Ikuskizuna amaitzean, 

baliabideak arropa-zaindegian 

itzuli behar dira.

Gune erreserbatuak

Baluarten, 

gune hauek eska daitezke:

• Gurpil-aulkia erabiltzen duten 

  pertsonentzako gune erreserbatua.

• Gida-txakurrarekin joaten diren 

  pertsonentzako gunea.

NaviLens

Baluartek NaviLens kodeak erabiltzen ditu 

eraikinaren barruan eta kanpoan 

orientatzea errazteko.

Kode horiek pertsona itsuei 

edo ikusmen txikia dutenei 

sarbideak, aretoak eta zerbitzu batzuk 

aurkitzen laguntzen diete.

Kanpoaldean, 

txarteldegietan eta eraikinaren sarreren ondoan 

dauden totemetan 

daude kodeak.

Barrualdean, 

Areto Nagusia eta Ganbera Aretoa 

aurkitzeko kodeak daude.

Beste zerbitzu batzuk aurkitzen 

ere laguntzen dute, 

hala nola igogailuak, komunak, 

arropa-zaindegia eta txarteldegiak.

Informazio gehiago

Baluarteren Sarrera Irisgarriei buruzko 

zalantzarik baduzu, 

idatzi ticketing@nicdo.es helbidera.

Baluarteren webguneko irisgarritasunari buruzko 

ohiko galderak ere kontsulta ditzakezu.

Irisgarritasun fisikoa batez ere, 

mugikortasun murriztua duten pertsonentzat da, 

adibidez, gurpil-aulkiak erabiltzen dituztenentzat 

edo taka-takak edo makuluak dituztenentzat.
 

Baluarten, 

entzunareto nagusian, 

kamara aretoan 

eta beste eraikuntzaren beste espazioetan 

komunak eta igogailuak egokituta daude.

Aparkalekuan 

mugikortasun urriko pertsonen kotxeentzat 

erreserbatutako plazak aurki ditzakezu.

Areto nagusiek 

mugikortasun urriko pertsonentzat 

espazio erreserbatuak dituzte.
 

* Testu hau 

ANFASeko Nafarroako Irisgarritasun Kognitiboko Bulegoak 

egokitu eta baliozkotu du.