Sole Giménezek eta Juan Valderramak bolero ezagunen bertsioak egingo dituzte gaur arratsaldean Baluarten

Sole Giménez eta Juan Valderrama, egungo musikaren ahots pertsonalenetako eta dotoreenetako bi, Baluarteko Areto Nagusiko taula gainean elkartuko dira gaur, arratsaldeko 19:00etan, Boleroari omenaldia egiteko, UNESCOk Gizateriaren Kultura Ondare Immaterial izendatu duen urte berean. Algo contigo izenburupean, kontzertua Armando Manzanero, Los Panchos, Consuelo Velásquez, María Grever edo Roberto Cantoral bezalako maisu handiek konposatutako artelan horiei guztiei eskainia dago. José Luis López Antón maisuaren zuzendaritzapean arituko den 30 musikari baino gehiagoko Orkestra Sinfonikoak lagunduta, Sole Giménezek eta Juan Valderramak Esta tarde vi llover, Te extraño, Dos Gardenias eta Bésame mucho bezalako abesti ezagunak zuzenean interpretatuko dituzte, bakarka nahiz duetoan.

Sarrerak 45, 47 eta 50 eurotan www.baluarte.com webgunean, Baluarteko txarteldegian eta NICDOk La Morea merkataritza-gunean duen informazio- eta salmenta-puntuan eskura daitezke.