Ara Malikian 'Intruso' biraren kontzertu bikoitzarekin iritsiko da Baluartera maiatzaren 25ean

Ara Malikian biolinistak kontzertu bikoitza eskainiko du Baluarteko Areto Nagusian heldu den maiatzaren 25ean, arratsaldeko 18:00etan eta gaueko 21:00etan, Intruso bira berriaren baitan. Malikian bere tradiziotik kanpoko musika eta kulturetan murgilduko da, eta hortik ikuskizunaren izena, bere biolinaren ahotsaren eta musikaren ikuspegi paregabearen gozamena berreskuratzeko gonbidapena. Malikianek, bere biolina bidelagun duela, Nafarroako Auditoriumeko publikoa gonbidatuko du bere barne munduan barrena ibiltzera, non oztopo kulturalak desegiten diren eta musika pertsona guztiek uler eta senti dezaketen hizkuntza bihurtzen den.

Violin On Tour AIE ekoizlearen eskutik gurera helduko den ikuskizunerako sarrerak 60 eta 70 eurotan www.baluarte.com web-orrian, Baluarteko txarteldegian eta NICDOk La Morea merkataritza-gunean duen informazio- eta salmenta-puntuan eskura daitezke.