Batman (1989)

Baluarteko 'hondartzak' uztailean irekiko ditu ateak berriro, Zinema Beach programaren edizio berri bat dela eta. Udako zinema zikloak lau film ekarriko ditu oraingoan, beti bezala jatorrizko bertsioan. Abentura zinema freskagarriena, animazioa, autore zinemaren nortasunetik pasatako superheroiak, barre munstroak dituen komedia klasikoa, edo laurogeiko hamarkadako zientzia fikzioa.

BATMAN

Zuzendaria: Tim Burton
Gidoia: Sam Hamm, Warren Skaaren
Urtea: 1989
Herrialdea: AEB
Argazkia: Roger Pratt (K)
Musika: Danny Elfman
Antzezleak: Michael Keaton, Jack Nicholson, Kim Basinger, Robert Wuhl, Pat Hingle, Billy Dee Williams, Michael Gough, Jack Palance
Iraupena: 121 min.
Hizkuntza: J.B. ingelesez azpitituluekin gaztelaniaz

Gotham hiri ilun eta arriskutsua bere polizia-gorputz ustelak bakarrik babesten du. Harvey Dent barrutiko fiskalaren eta Jim Gordon polizia komisionatuaren ahaleginak gorabehera, hiria gero eta ezseguruagoa da Batman, Gaueko Jauna, agertzen den arte. Vicky Vale kazetari ospetsua, berriz, gizon-saguzarraren atzean ezkutatzen den sekretua aurkitzen saiatuko da.

Tim Burtonek zuzendutako 1989ko Batman filmak kutsu ilun eta gotikoa hartu zuen, superheroien zineman ohikoa zenaren aurka. Michael Keaton Batman gisa aukeratu izana polemikoa izan zen arren (jarraitzaileen kexen 50.000 gutun baino gehiago sortu zituen), haren interpretazioak harrera ona izan zuen azkenean, baita goraipatua ere, Jack Nicholsonen Joker erokeria histrionikoarekin batera. Filmak Arte Zuzendaritza Onenaren Oscar saria eta Jack Nicholsonentzat Aktore Onenaren Urrezko Globorako izendapena jaso zituen.