Pamplona Negra

Pamplona Negra jaialdiaren hamargarren edizio honetako egitarauaren asmoa izango da jaialdiaren hasierari omenaldia egitea eta, era berean, begirada etorkizunean iltzatzea. Oraingo honetan ez da herrialde gonbidaturik egongo, baizik eta Hiria, hizki larriarekin, izango da protagonista eta mahai-inguruen eta txostenen hari gidaria. Hiria, babesleku, espetxe eta galbiderako toki moduan; hiria, bere kalezuloekin, argiekin, mafiekin eta heroiekin. 2024ko urtarrilaren 22tik 27ra, oroipenerako tokia egongo da eta egun arrakasta handiena duten egile nazionaletako batzuei entzuteko tokia, besteak beste, Víctor del Árbol, Victoria González Torralba, César Pérez Gellida, Toni Hill eta Aurora Guerrari. Horrez gain, nazioarteko bi egile handi izango dira gure artean, Alan Parks britainiarra eta Romy Hausmann alemaniarra, Mi dulce niña Netflixeko saila inspiratu zuen eleberriaren idazlea. Une gorenak egongo dira, adibidez, Hovik Keuchkerian aktorea Baluarten egongo dena. Aktore horrek duela gutxi Zilarrezko Maskorra jaso du Donostiako Zinemaldian, eta literaturako pertsonaia bat nola hezurmamitu kontatuko digu, bere kasuan Jon Gutiérrez poliziakidea, Juan Gómez-Juradoren eleberrien protagonista. Krimena taula gainean atalean, arlo horretako profesionalek zuzenean azalduko digute nola antolatzen den CSI bat hasieratik, narkotrafikoaz hitz egingo dugu, nazioarteko lankidetzaz, giza salerosketaz eta adimenaren manipulazioaz. Beti bezala, zoragarria izango da. Eta, gainera, zinema, musika, jarduerak liburutegietan, gastronomia, literatura- eta kriminologia-lantegiak, topaketak Hizkuntza Eskolan, aurkezpenak La Antigua Farmacia jatetxe tabernan.

EGITARAUA URTARRILAK 22

16:00 Nobela beltza tailerra
Jordi Ledesmaren eskutik. Narratiba tailerra, ikuspegi neokriminaletik.
GOLA ARETOA. SARRERAK AGORTU DIRA

18:00 Inaugurazio ofiziala

18:05 Mahai-ingurua. Horrela hasi zen dena.
Víctor del Árbol, Paco Gómez Escribano, Eugenio Fuentes y Santiago Álvarez.
Moderatzailea: Carlos Bassas
SARRERA DOAN (lekua bete arte)

19:05 Krimena eszenan
CSI bat nola sortu.
Sergio Sanvicente inspektorearen eskutik, Polizia Nazionaleko kidea
SARRERA DOAN (lekua bete arte)

20:15 Zinema beltza
It Always Rains on Sunday (Robert Hamer, 1947) filmaren proiekzioa. JBGA
SARRERAK: 3 €

20:45 Hitzaldia – Whisky 'On The Words' dastatzea
Detektibe bat bezala edan
NAPARGAR (Gaztelu Plaza, 32). 15€. SARRERAK AGORTU DIRA

Informazio gehiago: WWW.PAMPLONANEGRA.COM