Pamplona Negra

Pamplona Negra Jaialdia hamaikagarren ediziora iritsiko da, ezustekoz, izen handiz eta literatura ugariz betetako programa batekin. 2025erako proposamena munduan zeharreko bidaia bat izango da, geldialdiak eginez tokirik esanguratsuenetan, haietan idazten den eleberri beltza ezagutzeko. Hala, urtarrilaren 20an mapa zabalduko dugu eta arretaz jarraituko diegu jarraibideei. Lur babesgabeak bisitatuko ditugu, gerran dauden lekuak gurutzatuko ditugu eta gailurrerako bidea aurkituko dugu, lehen mailako egileekin.

Krimena eszenan atala ere bidaia liluragarria izango da. Foruzaingoak krimen baten ikerketa oso bat erakutsiko du, gertatzen denetik ebatzi eta epaia ematen den arte. Polizia Nazionaleko Iheslarien Brigadaren arduradunari lagun egingo diogu, munduko kriminal arriskutsuenak ehizatu eta harrapatzean. Aitor Curiel forentse adituak bihotzik gabeko gizonari buruz hitz egingo digu. Bidaia oso bizkor joango da, Kennedyren hilketaren ikerketan parte hartzen dugunean. Eta, gainera, FBIko agente bat izango dugu gure artean, munduko ikerketa-agentzia ezagunenak nola funtzionatzen duen azaltzeko, aurrez aurre izan dituzten zenbait kasuren bidez.

Eskaintza zinematografikoak lehen mailako hiru izenburu izango ditu, Nafarroako Filmotekak hautatutakoak, eta, era berean, ibilbide antzeztuak, hitzordu gastronomikoa Tres Reyes hotelean eta eleberri beltzeko tailerrak izango ditugu. Tailer horietan, Antonio Lozanok kontatuko digu nola izan originala fikzio kriminalean eta Nafarroako Abokatuen Elkargoak erakutsiko digu nola idatzi legearen alde honetan. Gazteek leku nabarmen bat izango dute hamaikagarren edizio honetan. Alde batetik, Baluartek Epaiketa atzerritarrari antzezlana hartuko du, euskaraz eta gaztelaniaz. Emankizun horretan, publikoa alderdi garrantzitsu eta ezinbesteko bihurtuko da, garatu ahal izateko. Eta bestetik, Pamplona Negrak bere ateak zabalduko dizkie irakurle gazteenei, Planetarioan bi jarduera eginez Lehen Hezkuntzako eta Bigarren Hezkuntzako aurreneko zikloko ikasleentzat.

EGITARAUA URTARRILAK 21

16:00 Nobela beltza tailerra
Antonio Lozanoren eskutik. Nola izan originala fikzio kriminalean.
GOLA ARETOA. IZEN-EMATEA 40€ (saio soltea, 20€)
                    Abonomanendua 2 tailer (70€)

18:00 Mahai-ingurua. Barrualdean.
Marto Pariente, Carlos Bassas, Paul Pen eta Juan Carlos Galindo
Moderatzailea: Amaia Otazu
SARRERA LIBREA (lekua bete arte)

19:05 Krimena eszenan
Kennedy eta bala magikoa.
Fernando Corralesen eskutik, Polizia Nazionaleko inspektore buru, Avilako Poliziaren Eskola Nazionaleko Oinarrizko Eskalako polizia ikasleen prestakuntzaren arduraduna eta Dokumentoskopiako eta Balistika Operatiboko espezialista.
SARRERA LIBREA (lekua bete arte)

20:15 Zinema beltza
Harper, ikertzaile pribatua (JBGA)
SARRERAK: 3€

Informazio gehiago: WWW.PAMPLONANEGRA.COM