#OTDChallenge2026

Baluartek #OTDChallenge ekitaldiaren beste edizio bat hartzen du, adimen artifizialari, teknologiari eta digitalizazioari buruzko Nafarroako industriaren urteko topaketa. Enpresek ezagutza, esperientziak eta jardunbide egokiak partekatzen dituzten gunea da, industriaren produktibitatea eta lehiakortasuna hobetzeko.

Industria- eta zerbitzu-enpresetako zuzendariei eta profesionalei zuzenduta dago, beren erakundeen ikuspegi estrategikoa zehaztu, gaitasun teknikoak ezagutu eta eraldaketa-prozesuak gauzatu nahi dituztenei. Areto berean biltzen ditu estrategia erabakitzen dutenak, soluzioak definitzen dituztenak eta horiek abian jartzen dituztenak.

Gaur egun, industriak inoiz baino teknologia, datu eta aukera gehiago ditu. Erronka da erabakitzea zer txertatu, zer eraldatu, zer baztertu eta hori guztia erakundean nola gauzatu. Horregatik, #OTDChallenge2026 ekimenak eraldaketa digitaleko edozein prozesutan funtsezkoak diren lau erabakitan jarriko du arreta.