Nafarroako Orkestra Sinfonikoa

Zeruari begira Nafarroako Orkestra Sinfonikoaren “Metamorfosia” 24/25 Denboraldiko hamargarren kontzertua da, Baluarte auditoriumean izango dena. Orkestrak Gustav Holsten Planetak obra interpretatuko du. Iruñeko Planetarioak zientzia eta musika batzen dituen dibulgazio-ekimen honetan ezagutza zientifikoa eskainiko du. Zazpi mugimenduen giropenak inspirazio zientifikoa izango du, planeten astronomia-ikerketetan oinarrituta. Halaber, mugimendu bakoitzaren aurretik, Planetario/NICDOko astrofisikari batek sarrera labur bat egingo du.

Kontzertuan, Musikene eskolako Orkestra Ikasketen Masterreko ikasleek eta Iruñeko Ganbera Abesbatzakoek parte hartuko dute.

Richard Straussen Heriotza eta itxuraldaketa poema sinfonikoak osatuko du programa. Hain zuzen, artista baten bizitzako azken uneetan sakontzen du poema horrek.

-----

Heriotzaren atalasea zeharkatuko dugu betiereko bizitzara jotzeko Richard Straussen poemarekin, haren erredentzio nahiak bultaturik. Holsten harmonia zerutiarreraino igoko gara, edertasun eta inspirazio ekarlea baita.

PROGRAMA

I. Atala

Richard Strauss (1864 - 1949)
Heriotza eta itxuraldaketa, op. 24, TrV 158  [23´]

II. Atala

Gustav Holst (1874 - 1934)
Planetak, op. 32  [51 ´]

Iruñeko Ganbera Abesbatza (David Gálvez, zuzendaria)
Nafarroako Orkestra Sinfonikoa
Perry So, zuzendaria