Farmazia Lanbidearen Jardunaldiak

Baluartek bi egunez hartuko ditu Farmazia Lanbidearen Jardunaldiak. Profesionalen arteko topagune gisa planteatu dira, farmazia-lanbidearen balioa nabarmendu, esperientziak partekatu eta espezialitatearen etorkizuna markatuko duten erronkei eta aukerei buruz hausnartzeko. Lehen jardunaldiaren goizean, izaera profesional nabarmena izango dute jarduerek, farmaziaren eta osasun-sistemaren orainari eta etorkizunari buruzko topaketa eta eztabaida-mahaietan.

Jardunaldiak «Siempre a tu lado - Farmacéuticos de Navarra» kanpainaren barruan kokatzen dira, eta herritarrei ere irekiko zaizkie. Hala, elikadura, dermofarmazia, ortopedia, industria, banaketa, irakaskuntza eta ospitaleko farmazia arloei eskainitako standak bisitatu ahal izango dituzte. Gainera, bertaratutakoek «Osasun-pilulak» izeneko saioetan parte hartu ahal izango dute: sendabelarrei, sendagaiei, ortopediari eta elikadurari buruzko dibulgazio-saio laburrak dira, eta gonbidapenak komunitateko farmazietan banatzen dira.