Teknozientzia Azoka 2023

 

Elhuyar Teknozientzia Azoka Planeta STEM - Iruñeko Planetarioak eta Elhuyar Fundazioak antolatutako ekimena da, NICDO, Nafarroako Gobernua eta Euroeskualdearen laguntzarekin. Baluarten egingo den azokaren helburu nagusia da STEM (Zientzia, Teknologia, Ingeniaritza eta Matematika ingelesezko siglen arabera) ezagutaraztea, STEM gaitasunak eta gazteen zeharkako gaitasunak garatzea, esperientzia zientifikoak bultzatuz.

 

Teknozientzia Azokaren edizio berri honetan, Bigarren Hezkuntzako ikasleek proiektu zientifikoak eta teknologikoak partekatuko dituzte publikoarekin. Zientzia eta teknologiarekiko zaletasuna sustatu nahi da gazteen artean, eta kultura zientifikoa bultzatu eta zabaldu.