2023ko Arte Plastiko eta Ikusizkoetarako Laguntzak Erakusketa

Uharteko Arte Garaikideko Zentroak, Nafarroako Gobernuko Kultura, Kirol eta Turismo Departamentuarekin lankidetzan, urtero Arte Plastiko eta Bisualei Laguntzeko Programa abiarazten du, arte garaikideko proiektu argitaragabeak egiteko. Programaren helburua da Foru Komunitateko artisten ikerketa, obraren ekoizpena, hedapena eta sendotzea sustatzea, proiektu artistikoen ekoizpenean eta argitalpenean lagunduz.

Erakusketak produkzio modalitatean hautatutako pertsonek garatutako proiektuak erakusten ditu. 2023ko deialdian, Taxio Ardanaz, Elisa Arteta, Nagore Chivite Lizarraga, Ada Garrués, Amaia Gracia Azqueta, Jaione Inda eta Leire Urbeltz, David Mutiloa eta Alba de la Portilla Castillo izan dira hautatuak.