Euskadiko Orkestra

PROGRAMA: PROKOFIEV / SCRIABIN

S. Prokofiev
Sinfonia kontzertantea

A. Scriabin
2. Sinfonia

Stanislav Kochanovsky, zuzendaria
Daniel Müller Schott, biolontxeloa

San Petersburgoko Stanislav Kochanovsky zuzendaria errusiar musikako espezialista famatuenetako bat da, eta errepertorio hau aukeratu da Euskadiko Orkestrarekin debuta egiteko. Sergei Prokofieven Sinfonia kontzertantea 1952an estreinatu zen. Hasiera batean, biolontxelorako kontzertua izan behar zuen, Mstislav Rostropovitx bakarlariarekin, baina berrikusi egin zen gero, izaera sinfonikoa nabarmentzeko. Bakarlariaren zatiak hasierako zailtasun ikusgarriari eutsi zion, eta Daniel Müller-Schott biolontxelista alemanak hartuko du horren gaineko ardura. New York Timesen arabera, "teknika menderatzen duen interpretatzaile ausart bat da". Bigarren zatian, Kochanovskyk San Petersburgorekin oso lotuta dagoen beste partitura bat landuko du: Alexander Scriabinen 2. Sinfonia. Gaztaroko sorkuntza-lan bat da, baina ondoko beste lan batzuen kolore harmoniko berezia eta sustrai mistikoak iragartzen ditu; adibidez, Suaren poemarenak eta Estasiaren poemarenak.