Euskadiko Orkestra

PROGRAMA: MAHLER

G. Mahler
7. Sinfonia, ‘Gaueko abestia’

Robert Treviño, zuzendaria

Gure zuzendari titularrak, Robert Treviñok, Gustav Mahlerren sinfoniak interpretatu ditu Londresko Sinfonikoarekin eta Municheho Filarmonikoarekin, adibidez. Eta 24/25 Denboraldia inauguratu bezala itxiko du: Mahlerren sinfonia handi batekin. Era horretan, Treviñok Euskadiko Orkestrarekin duela urte batzuk abiarazitako ziklo osoa amaitzera goaz. Mahlerrek 1905ean bukatu zuen 7. Sinfonia, beste sinfonia batzuen narratiba pertsonaletik urruntzen den garaipenezko lan bat: gauetik egunera bitarteko bidaia metafisiko bat proposatzen du, eta handik datorkio ezizena, Gauaren abestia. Naturari buruzko sinfonia bat ere bada, Mahlerrek bi uda eman zituen-eta konposatzen Karintian, Worthersee aintziran, eta paisaia hori islatzen da. Hainbat urte geroago, konpositore bohemioak hau gogoratu zuen: "Arraunak uretan murgildu orduko, sarrerako gaia (edo, hobeto esanda, erritmoa, atmosfera) etorri zitzaidan".