PROGRAMA: LALO / DVORAK
A. Clyne
This Midnight Hour
E. Lalo
Biolontxelorako kontzertua
A. Dvorak
7. Sinfonia
Lina González-Granados, zuzendaria
Alban Gerhardt, biolontxeloa
Anna Clyneren –gaur egungo konpositore britainiar garrantzitsuenetako baten– musika sinfonikoa lehen aldiz entzungo da Euskadin eta Nafarroan, Lina González-Granados zuzendari kolonbiar-estatubatuar sarituaren eskutik (Riccardo Mutiren ikaslea da González-Granados, eta Los Angelesko operari lotuta dago). The Midnight Hour lanean, Clynek Juan Ramón Jiménezen eta Charles Baudelaireren poemak ditu inspirazio-iturri. Ondoren, Alban Gerhardt Baluarteko agertokira itzuliko da (2016an Euskadiko Orkestrarekin elkarlanean aritu zen). Oraingoan, biolontxelo-jotzaile alemaniar apartak Edouard Laloren Biolontxelorako kontzertu berebiziko eta grinatsuari helduko dio. Laloren kontzertuaren garaikidea, baina oso izaera ezberdinekoa, Antonín Dvoraken Zazpigarren sinfoniarekin amaituko da emanaldia. Egile bohemiarraren berezko folklore-kutsuari eusten dion arren, bere ziklo sinfonikoko larri eta dramatikoena ere bada partitura hori.
* GAZTE KULTUR BONUARI ATXIKITAKO KONTZERTUA