Ene Kantak - Amagoia Dragoia eta Txantreako Erraldoiak

Amagoia Dragoia haurrei eta familiei zuzendutako musika antzerkia da, Nerea Urbizuk idatzi eta Mikel Santos "Belatz"-ek ilustratu duen Amagoia Dragoiaren Ezkatak liburuan oinarrituta. Txantreako Erraldoien Konpartsa ere Baluarten ariko da, Ene Kantakekin batera dantzatzen.

Ene Kantak Erdi Aroan agertuko da ezustean, Amaiur herrian, zehazki. Bertan, gure lagunek egoera bidegabeak eta desparekotasunak ezagutuko dituzte agintariaren eta herritarren artean. Egoera horien aurrean, Aire, Axeri, Oki, Satorjator eta Astonauta laguntzeko prest azalduko dira, taldean, adiskidetasuna eta laguntasunaren bidez.

Espero ez duten norbaitek euren arteko harremanak nahasiko ditu, mesfidantza hasiko da. Bai, Amagoia Dragoiak ere bere interesak ditu... Berak lagunduko ote du herriko giroa hobetzen?