Munduan bizitzeko beste modu batzuk

MUNDUAN BIZITZEKO BESTE MODU BATZUK

Eta duela mende batzuk bilatu beharko balitz munduari berriz xarma emateko funtsezko euskarria, Erdi Aroan, Hildegarda de Bingen eta Margarita Poreteren lan mistikoetan? Feminismoaren aitzindari horien proposamen askatzaileek, emakume ausartak eta sentsorialak baitziren eta zentzu politiko goiztiarra baitzuten, kulturak zeharkatu dituzte, hizkuntza-oztopoak gurutzatu dituzte, eta gutxik bezala zeharkatu dute denbora XXI. mendera iritsi arte, bestelako elkarbizitza-, ezagutza-, askatasun- eta maitasun-eredu batzuen egarri, eta euren idazkiekin eredu horiek inspiratzen jarraitzen dute oraindik, baita gaur egun ere, hain zorrotzak eta moldakortasunaren aurkakoak diren gariotan. Victoria Cirlotek eta Blanca Garík mistika handi horien ekarpen nagusiak azalduko dituzte inaugurazio-elkarrizketan. Amaitzeko, kontzertu txiki bat izango da, eta Bingenen Hildegardaren eta haren garaiko beste konpositore batzuen musika entzungo da, Carles Magraner zuzendari duen Capella de Ministrers entzutetsuaren eskutik.

Solasaldia: Blanca Garí - Victoria Cirlot
Gidaria: Ramón Andrés

Ondorengo kontzertua: Capella de Ministrers

Zeruko errebelazioak: Musika femeninoa Hildegarda Bingenen inguruan

Capella de Ministrers taldearen errepertorioa Hildegarda Bingengoan oinarritutako emakume-musikaren bilduma aipagarria da. Haren Sinfonía de la Armonía de Revelaciones Divinas obrak hirurogeita hamabost konposizio liturgiko biltzen ditu, hala nola antifonak, ereserkiak eta errespontsuak. Obra horiek, jatorrian mojek interpretatuak, Erdi Aroko espiritualtasuna islatzen dute Ama Birjinari, Trinitateari eta hainbat santuri eskainitako testuen bidez. Cristina de Pizanen La Cité des Dames obrarekin lotzen da programa, pentsamendu patriarkala eta tradizio androzentrikoa zalantzan jartzen dituen ginekotopia gogora ekarriz. Bi bloketan egituratua dago, Hortus Conclusus eta Hortus deliciarum, eta sinbolismo teologiko eta pedagogikoa integratzen ditu, Las Huelgasen piezak barne. Hala, musikaren historiaren berrinterpretazio kritikoa proposatzen du, emakumeen papera ikusarazten duena, haien ekarpenei balioa ematen diena eta mendebaldeko tradizioaren ulermen inklusibo eta aberasgarriagoa eskaintzen duena.

Carles Magraner, zuzendaritza
Èlia Casanova, ahotsa 
Carles Magraner, biola, biella
Eduard Navarro, ud, kornamusa, xaramela
Ignasi Jordá, exequier