Ingeniaritza eta Osasun Topaketak NUPen

Nafarroako Unibertsitate Publikoko (NUP) Smart Cities Institutuak Ingeniaritza eta Osasun Topaketak NUPen jardunaldia antolatu du Baluarten, azaroaren 19an. Topaketan, Smart Cities Institutuak 2027an antolatuko dituen nazio eta nazioarte mailako bi kongresu zientifiko aurkeztuko dira. Ekimenaren helburua proiektu horiek gizarteari eta, bereziki, Nafarroako enpresa- eta erakunde-sareari ezagutaraztea da.

Jardunaldian, bi kongresuen aurkezpenaz gain, NUPeko langileek hainbat dibulgazio-saio labur eskainiko dituzte, eta unibertsitateak garatutako zenbait berrikuntza teknologiko erakutsiko dituen showroom bat ere izango da.