El Cascanueces

El Cascanueces, baletaren klasiko handietako bat eta Piotr Ilich Tchaikovskiren lanik ezagunenetako bat, Baluartera iritsiko da Tchaikovsky National Ballet taldearen eskutik.

Istorioa Gabonetan kokatzen da, eta protagonista neska bat da, opari gisa intxaur-hauskailu bat jasotzen duena. Une horretatik aurrera, errealitatea eta ametsen mundua uztartuko dira irudimenaren, haurtzaroaren eta fantasiaren bidezko bidaia batean.

Lev Ivanoven jatorrizko koreografiarekin eta Marius Petiparen libretoarekin, baleta E.T.A. Hoffmannen Intxaur-hauskailua eta sagu-erregea ipuinean oinarritzen da; Alejandro Dumas-ek egokitu zuen ondoren.

Tchaikovsky National Ballet taldeak ballet klasikoaren tradizioaren berezko elementuei eusten dien ekoizpena aurkezten du, Gabonetako istorio honekin batera doazen jantzi, eszenografia eta koreografiekin.

IRAUPENA: 120 MIN.