El Arrebato - El viaje inesperado

El Arrebatok El viaje inesperado ikuskizunari ekingo dio, oraina eta edertasuna aurreikus ezin daitekeenean aurkitzeko gaitasuna ospatzen duena. Disko berri honen aurkezpen birarekin Baluarten geldialdia egingo du martxori hasiera emanez.

Javier Labandón musikari sevillarrak bi hamarkada baino gehiagoko ibilbide musikala darama bere baitan, bere zigilu nahastezinarekin proposamen bat eskainiz: rumba, popa eta poesia alaitasun, maitasun eta gainditze ereserki bihurtu ditu. El Arrebatoren hamalaugarren lan honek freskotasuna, heldutasuna eta emozioa arnasten ditu; bertan, musika-erritmo berriekin ausartzen da, bere estilo paregabea galdu gabe, eta energia berrituarekin egin du gainera; zur eta lur utziko ditu ezagutzen duten eta ezagutzen ez duten guztiak. Hunkitu egiten duten, adorea pizten duten eta jarraitzaileen oroimenean betiko geratuko diren abestien bidaia bat izango da.

“Ustekabeko bidaia bizitza bera da niretzat. Patuak ematen dituen bueltak dira, zuk mapa argi zenuela uste zenuenean, eta bat-batean, abisurik gabe, ibilbidea aldatzen zaizu... baita bihotza ere. Bizitzak oparitzen digun inprobisazioan inspiratutako zuzenekoa, gauzak uste zenuen bezala ateratzen ez direnean, baina azkenean behar zenuena justu izaten amaitzen dutenak”.