Erizaintza Komunitarioaren Elkartearen (AEC) 9. Nazioarteko Kongresua eta 15. Kongresu Nazionala

Baluartek Erizaintza Komunitarioaren Elkartearen (AEC) 9. Nazioarteko Kongresua eta 15. Kongresu Nazionala hartuko ditu, baita Familia eta Komunitate Erizaintzako Tutoreen eta Egoiliarren 13. Topaketa ere. Aurtengo edizioaren leloa Narratiba aldatzea, esentzia galdu gabe izango da, eta lanbidearen bilakaerari eta etorkizuneko proiekzioari buruz hausnartzera gonbidatzen du.

Kongresuak erizaintza komunitarioaren kontakizuna ikuspegi kontzienteago, positiboago eta eraldatzaileago batetik berrinterpretatzearen garrantzia jorratuko du. Horretarako, zaintzen balioa, jardun profesionalaren eragina eta gizartean duen aitortza izango dira ardatz nagusiak. Topaketak aukera emango du lanbidearen egungo erronkak aztertzeko, egindako bidea berrikusteko eta erizaintzak komunitatean duen zeregina indartzeko bide berriak esploratzeko.

Programa ezagutza-trukerako, hausnarketa kolektiborako eta eztabaida profesionalerako gune gisa planteatzen da, profesionalen, irakasleen, tutoreen eta egoiliarren arteko lankidetza-sareak sortu eta sendotzea ere sustatuz. Helburua komunitate-zaintzen berrikuntza eta hobekuntza bultzatzea izango da.

Azaroaren 26an ospatuko den Erizaintza Komunitarioaren Nazioarteko Egunak (DIEC) esanahi berezia emango dio edizio honi, eta kongresua aukera paregabe bihurtuko du erizaintza komunitarioak herritarren osasunean egiten duen ekarpena ikusarazi eta balioan jartzeko.