Antonio Najarroren Konpainia - Romance sonámbulo

Romance sonámbulo 1928an argitaratutako Romancero gitano-ren poema enblematikoenetako bat da. Liburu hau Federico García Lorcaren lanik ikonikoenetako bat a, eta sinbolismoz betetako irudi poetikoen bidez Andaluziako eta ijitoen unibertsoa esploratzen duten 18 erromantzek osatzen dute. Lorcak misterio- eta larritasun-giroa ehuntzen du irudi onirikoen eta esanahiz betetako sinboloen bidez. Poemak gizon zauritu baten eta balkoi berde batean zain dagoen emakume baten arteko elkarrizketa kontatzen du, itxaropenaren eta heriotzaren sinboloa.

Antonio Najarrok zuzendu eta koreografiatua, ekoizpen hau bost koadrotan egituratzen da, Romance sonámbulo-ren poemak eta Lorcaren beste testu batzuk konbinatuz. Alberto Conejeroren dramaturgiak bizitzaren eta heriotzaren, desioaren eta galeraren arteko dualtasuna nabarmentzen duen narratiba dakar, Lorcaren obran behin eta berriz agertzen diren elementuak.

Eszenaratzea bere ikusmen- eta soinu-aberastasunagatik nabarmentzen da. Yaiza Pinillosen jantzien diseinuak eta Nicolas Fischtelen argiztapenak hiru kulturetako (hispanoarabiarra, judua eta kristaua) Granada gogorarazten duen atmosfera sortzen dute. Emilio Valenzuelaren proiekzioek espazio eszenikoa osatzen dute, ikuslea mundu oniriko eta sinboliko batean murgilduz. Zuzeneko musikak, José Luis Montonek konposatua eta eszenan dagoen musikari talde batek interpretatua, dantzaren eta poesiaren arteko lotura areagotzen duen dimentsio emozionala gehitzen du.

Zuzendaritza eta Koreografia: Antonio Najarro
Dramaturgia: Alberto Conejero
Konposizio musikala: José Luis Montón
Argiztapen Diseinua: Nicolás Fischtel
Jantzien diseinua: Yaiza Pinillos
Bideoa eta Proiekzioak: Emilio Valenzuela
Ballet-maistra eta koreografia-laguntzailea: Afrika Paniagua

Federico García Lorca: Daniel Ramos
Dantza taldea: Lidia Gómez, Celia Ñacle, María Gómez, Alejandra de Castro, Cristina Carnero, Eva Jiménez, María Fernández, Álvaro Brito, Álvaro Madrid, Alejandro Lara, Ethan Soriano, Javier Moreno, Diego Olmier, Daniel Ramos

Gitarra: José Luis Monton; Biolina: Thomas Potiron; Kantaria: María Mezcle; Txirula: Juan Carlos Aracil; Perkusioa: Josue Barrés