Eskuin Muturreko Taldeek edo Funtzionario Publikoek eragindako Motibazio Politikoko ekintzen Biktimen Errekonozimendu eta Erreparazio ekitaldia

Baluarten ekitaldi publiko berri bat egingo da otsailaren 13an, osteguna, 19:00etan, martxoaren 26ko 16/2019 Foru Legea jarraituz; hots, eskuin muturreko taldeek edo funtzionario publikoek eragindako motibazio politikoko indarkeriaren biktimei errekonozimendua eta erreparazioa emateari buruzkoa. Ana Ollo bigarren lehendakariordea eta Memoria eta Bizikidetzako, Kanpo Ekintzako eta Euskarako kontseilaria izango da buru, eta orain arte onartutako biktimek (41 2024 urte osoan) eta haien familiek parte hartuko dute. Haiekin batera izango dira, halaber, erakunde eta elkarteetako ordezkariak nahiz Errekonozimendu eta Erreparazio Batzordekoak. Batzorde horren urteko txostena gaur aurkeztu du Parlamentuan Martin Zabalza presidenteak eta Memoria eta Bizikidetzako zuzendari nagusia denak.