John Williamsen eta Hans Zimmerren partitura ikonikoenak Baluarten entzungo dira Errege Egunean

Errege Egunarekin bat eginez, urtarrilaren 6an, Baluartek John Williams & Hans Zimmer konpositore handien omenezko kontzertua hartuko du, Hollywood Symphony Orchestraren eskutik, zinemako musikarik onena ekarriko duena (20:00etan). Emanaldian oroimen kolektiboaren parte diren soinu-bandak eta melodia unibertsalak zeharkatuko dira. JPN Concerts-ek ekoiztutako kontzertu honetarako sarrerak 47,95 eta 52,95 eurotan www.baluarte.com webgunean, Baluarteko leihatilan eta NICDOk La Morea merkataritza-gunean duen salmenta-gunean eskura daitezke.

Star Warsen heroitasunak, Indiana Jonesen ausardiak eta Harry Potterren magiak inspiratu zuten John Williams garai guztietako filmen partitura maitatuenetako batzuk sortzera. Steven Spielbergekin eskuz esku lan egin du eta zuzendariaren ia lan guztiak biltzen dituen musika konposatu du.

1980ko hamarkadaz geroztik, Zimmerrek musika zoragarria eskaini du, hala nola Gladiator, Origen, Sherlock Holmes, Piratas del Caribe, The Dark Knight trilogia eta El Rey León sari anizkoitzaren irabazlea, baita zinemako eta telebistako beste hainbat proiektu ere. Hans Zimmerrek soinu-mundu distiratsuak sortu ditu, Antzinako Erromatik hasi eta etorkizun urrunera arteko garaiak gogora ekartzen dituztenak.