Toni Brightek 'Magia de la mente' ikuskizuna ekarriko du Baluartera maiatzaren 9an

Espainiako magorik onenetako bat den Toni Brightek Magia de la mente: “Creer es poder” ikuskizuna aurkeztuko du maiatzaren 9an (20:00etan) Baluarteko Areto Nagusian. Hainbat komunikabideren ustez "Espainiako magiaren figura nabarmenetakoa" den honek proposamen oso atsegina, dinamikoa eta parte hartzailea eskainiko du, familia publikoarentzat pentsatua, non haurrak heldu gisa gozatuko duten eta adinekoak haurtzaroan bezala sentituko diren.

Emanaldian zehar, gogoaren magiari buruzko galdera ohikoenetako batzuk planteatzen dira: ametsak egia bihur daitezke? Posible al da adimena irakurtzea? Objektuak adimenarekin tolestu al daitezke? Noraino iristen da ezinezkoa? Toni Brightek du erantzuna.

Sarrerak 24,05 eurotan Baluarteko txarteldegian eta NICDOren informazio- eta salmenta-gunean, La Morea merkataritza-gunean dagoeneko salgai daude. Gainera, online ere eskuragarri daude, www.baluarte.com webgunearen bidez, 25 eurotan (kudeaketa-gastuak barne).