Théatre Classique konpainiak Baluarten 'Zisneen aintzira' aurkeztuko du igande honetan

Zisneen aintzira, dantza klasikoaren errepertorioko lanik ikusgarrienetako bat, Baluarteko Areto Nagusira Théatre Classique konpainiaren eskutik iritsiko da igande honetan, hilak 18an, arratsaldeko 18:00etan. Ballet klasikoaren maisulanetako bat den honek lortutako ospea Tchaikovskyren musika inspiratuari zor zaio, baina baita Marius Petiparen koreografia asmatzaile eta adierazkorrari ere, zeinak, giza gorputza zisne baten mugimenduekin lotuz, bere jenialtasuna, potentzial koreografikoa eta sormen artistikoa erakusten baititu. Dantza klasikoko proposamen hau poesia erromantiko hutsa da eta bertan ongia gaizkiaren gainetik gailentzen da.

Sarrerak 32 eta 40 euro bitartean www.baluarte.com webgunean, Baluarteko txarteldegian eta NICDOk La Morea merkataritza-gunean duen informazio- eta salmenta-puntuan eskura daitezke.