Sílvia Pérez Cruzek kontzertua eskainiko du Baluarten martxoaren 23an

Silvia Perez Cruz musikagile eta abeslari kataluniarra Baluartera itzuliko da 2024ko martxoaren 23an (20:30ean) Toda la vida, un día bere azken diskoa zuzenean aurkeztera. Bost mugimendutako lana da, existentziaren etapei buruz hausnartzen duena, eta baita bilduma kontzeptual bat ere, konfinamenduaren bakardadeari erantzuteko sortu zena, bizitza osoa obra bakar batean birsortzeko premia gisa. Albumeko bost mugimenduetako bakoitzak etapa bat irudikatzen du: haurtzaroa, gaztaroa, heldutasuna, zahartzaroa eta berpizkundea.

Kontzerturako sarrerak 25 eta 45 euro bitartean ohiko kanaletan eskura daitezke: www.baluarte.com webgunean, Baluarteko txarteldegian eta NICDOk La Morea merkataritza gunean duen informazio- eta salmenta-puntuan.

Sílvia Pérez Cruz azken urteotan sortutako ahotsik zirraragarrienetako bat da; Jorge Drexlerren hitzetan, "belaunaldi bat markatzen duen ahotsa". Artista hau Iberiar eta Latinoamerikako abesti herrikoien artean hazi zen, eta klasikoan eta jazzean hezi zen, flamenkoak ere liluratuta. Artista moldakorra da, berak jorratzen dituen estilo desberdinei leiala, bera izateari utzi gabe. Sílvia Pérez Cruzek Egungo Musiken Sari Nazionala jaso zuen 2022an, Las Migas taldearen sortzaileetako bat eta abeslaria izan zen (2004-2010), eta 2012an bakarkako debuta egin zuen, azaroaren 11n, urrezko disko bat jasoz. Arrakasta hori 2014an errepikatu zuen Granadarekin, Raül Fernández Refree-rekin batera argitaratua, eta harekin batera aurrekoa ere elkarlarlanean koproduzitu zuen; 2020an Farsa (ezinezko generoa) argitaratu zuen, eta gurean aurkeztuko duen disko berria da Sony Musicekin argitaratzen duen lehena.