Royal Film Concert Orchestra bihar itzuliko da Baluartera bi kontzertu emateko

Royal Film Concert Orchestra Baluarteko Areto Nagusira itzuliko da bihar, hilak 24an, eta bertan bi kontzertu eskainiko ditu. Arratsaldeko 17:30ean The Music of Morricone, Zimmer, Williams emanaldia ekarriko du, John Williams, Hans Zimmer eta Ennio Morricone zinema-bandetako konpositore handiei eskainitako omenaldi-kontzertua. Fernando Furones zuzendariaren gidaritzapean, soinu-banda ezagunenetako eta bereizgarrienetako batzuk interpretatuko ditu orkestrak, hala nola El Rey León, Piratas del Caribe, E.T., Cinema Paradiso, Harry Potter, Indiana Jones edo La Lista de Schindler. Ondoren, 20:30ean, Royal Film Concert Orchestrak bigarren emanaldia emango du, orkestra sinfonikoa eta DJa uztartzen dituen saio berezi batean, besteak veste Coldplay, Daft Punk, Pont Aeri, Europe, Queen, Abba o Village People talde eta proiektuen piezak interpretatuz.

Kontzertu bakoitzerako sarrerak 45, 55 eta 65 eurotan Baluarteko txarteldegian eta NICDOk La Morea merkataritza-gunean duen informazio eta salmenta-puntuan salgai daude. Online ere eskura daitezke, www.baluarte.com webgunearen bidez, 45,95 / 55,95 eta 65,95 eurotan (kudeaketa-gastuak barne). Gainera, Sarrera Irisgarriak (MUPak eta PDSak) erosteko aukera dago.