Perry So maisuak Nafarroako Orkestra Sinfonikoaren lehenengo abonamendu kontzertua zuzenduko du Baluarten urriaren 5ean

Nafarroako Orkestra Sinfonikoak (NOS) 2023-24 denboraldia urriaren 5ean inauguratuko du Iruñeko auditorioan, 19:30ean, Perry So maisuak NOSko zuzendari titular eta artistiko gisa Baluarteko podiumera igoko dela. Erromantikoak eta unibertsalak izenburupean, abonamenduko lehen kontzertu honetan Nikolay Lugansky pianista errusiarrak hartuko du parte, Sergei Rachmaninov-en Pianorako 2. kontzertua do minorrean, op. 18 obra interpretatuz. Hitzordu musikalaren bigarren atalean berriz, orkestrak Franz Schubert-en 9. Sinfonia Do Maiorrean, D944 "Handia" eskainiko du.

Sarrerak 15, 29 eta 35 eurotan eskura daitezke eta 30 urtetik beherakoek, 12, 23 eta 28 eurotan: www.baluarte.com web-orrian eta Baluarteko txartel-leihatilan. Gainera, 30 urtetik beherakoek sarrerak 5, 9 eta 11 eurotan eskuratu ahal dituzte kontzertua baino hiru egun lehenagotik, soilik leihatilan.