Sarrerak 
Irisgarritasuna 
Agenda ikusi 
Ekitaldia antolatu 
Gu gara:
Sare profesionalak:
Gu gara:
Sare profesionalak:
Nazioarteko Prentsa Bulegoak Nafarroako, nazioarteko eta atzerriko hedabideen beharrei erantzuna ematen die uztailaren 1etik 15era Baluarteko Atondo Nagusian. Bertan, gainera, entzierroko argazki lehiaketaren erakusketa bisita daiteke
Aurten ere, Baluartek Prentsaren Nazioarteko Bulegoa (OIP) hartzen du. Bulego hori Iruñera munduko edozein tokitatik Sanferminei buruzko informazioa ematera hurbiltzen diren dozenaka profesional artatzeko abian jartzen da urtero. Zehazki, 2026ko jaietarako 13 herrialdetako (Frantzia, Estatu Batuak, Erresuma Batua, Alemania, Portugal, Suedia, Bulgaria, Ukraina, Turkia, Estatu Batuak, Mexiko, Thailandia eta Espainia) 677 profesional grafiko baino gehiago akreditatu dira. Guztira 138 komunikabidek beteko dituzte jaiak.
Prentsa Bulegoak aurten kokapena estreinatu du eta, uztailaren 1etik 15era, Nafarroako Biltzar Jauregiaren eta Auditorioaren atari nagusian kokatzen da. Zehazki, hedabideei eta freelanceari arreta emateko ordutegia honako hau da: 9:00etatik 13:00etara, uztailaren 1etik 4ra; uztailaren 5etik 6ra, 9:00etatik 16:45era; uztailaren 7tik 14ra, 07:45etik 16:45era; eta hilak 15ean, 9:00etatik 13:00etara.
Eta aurreko urteetan bezala, eraikineko atondoan Entzierroko Argazkien Nazioarteko Lehiaketako argazki-erakusketa bisita daiteke (sarrera librea) profesional akreditatuentzat. Guztira, 2025eko San Fermin jaietan entzierroaren tarte ezberdinetan hartutako 33 irudik osatzen dute erakusketa.
