Niña Pastorik ongietorria egingo dio 2025ari Baluarten, Gabonetako kontzertu batekin

Niña Pastori flamenko-kantariak ongietorria emango dio 2025ari urtarrilaren 3an Baluarten egingo duen kontzertu berezi batekin. Navidad con Niña Pastori San Fernandoko artistak urteko garai magiko, hunkigarri eta jai-girorako egiten duen bira berria da. Iruñeko auditoriumean Feliz Navidad disko berria aurkeztuko du zuzeneko kontzertuan. Lanak bere estilo flamenkoarekin itzulitako gabon-kanta herrikoiak eta hain data seinalatuetarako erritmo-aldaketa biltzen ditu. Gainera, Gabonetako klasiko berriak bilakatuko direla agintzen duten bi abesti eskainiko ditu zuzenean. Niña Pastori Baluartera itzuliko da, 2023ko abenduaren amaieran Camino biraren baitan egindako bisitaren ondoren. Urte horretan bertan, flamenko disko onenaren Grammy LATINO 2023 saria eskuratu zuen.

Areto Nagusian 20:30ean izango den kontzerturako sarrerak 45, 50, 55 eta 60 eurotan ohiko kanaletan eskura daitezke: www.baluarte.com web-gunean, Baluarteko txarteldegian eta NICDOk La Morean duen informazio- eta salmenta-gunean.