Baluartek Los Secretos taldearen kontzertua hartuko du datorren astean

Los Secretos talde madrildarra Baluartera itzuliko da datorren astean, hilak 28an (21:00etan), zuzeneko kontzertua eskaintzeko. 80ko hamarkadako Espainiako pop rock talde entzutetsunetarikoa den honen emanaldian, Espainiaren historiaren eta hainbat belaunaldiren bizitzaren parte diren abestiak gozatu ahal izango ditu publikoak. Areto Nagusiko eszenatokian banda osoa egongo da: Álvaro Urquijo, Ramón Arroyo eta Txetxu Altuberen gitarrekin; Juanjo Ramosen baxuarekin; Jesús Redondoren pianoarekin eta Santi Fernándezen bateria etengabearekin.

Sarrerak 48,95 eta 64,95 euro bitartean www.baluarte.com webgunean, Baluarteko leihatilan eta NICDOk La Morea merkataritza-gunean duen informazio- eta salmenta-puntuan eskura daitezke.