La Ruina 2026ko apirilan itzuliko da Baluartera umorerik onenarekin

Iruñeko auditoriumera egindako aurreko bi bisitetan izandako arrakastaren ondoren, La Ruina umore-ikuskizuna Baluarteko Areto Nagusira itzuliko da 2026an, apirilaren 3an (20:30ean) eta 4an (20:00etan), hain zuzen ere. Anekdotak, inprobisazioa eta komedia protagonista izango dira berriro ere gaualdi bikoitz honetan. Publikoak ikuskizun ezberdin batekin gozatuko du, eta beren sortzaileek, Ignasi Taltavull eta Tomàs Fuentes komiko eta gidoilariek, "miseriak saria duen leku bakarra" bezala definitzen dute. La Ruina YouTuberentzako programatzat eta "podcast" gisa sortutako elkarrizketa komikoen show bat da. Bertan, publikoak zein gonbidatu bereziek beren pasadizo deserosoena partekatzen dute jendaurrean: bikotekideak whatsapp bidez utzi zituenean, bilera garrantzitsu batean lo hartu zutenean, taxilari batekin gaizki ulertu bat izan zutenean... "La Ruina-n barre egiten dugu, bai, baina, nolabait, talde-terapia ere egiten dugu denok barruan loser bat daramagula ikusita", azaltzen dute umore ikuskizunaren sortzaileek.

Sarrerak 20 eurotan eskura daitezke: www.baluarte.com webgunean, Baluarteko leihatilan eta NICDOk La Morea merkataritza-gunean duen salmenta-gune berrian.

La Ruinako mikroetatik Berto Romero, Facu Díaz eta Marc Giró bezalako jendeak pasa dira euren miseria partekatzera, eta guztiok uste baino ergelagoak garela erakutsi digute. Ikuskizun bakoitza desberdina da eta ezin da aurreikusi, eta gero eta jarraitzaile gehiago ditu. Denok dugulako (gutxienez) munduak entzutea merezi duen hondamena.