'Zarzuela Handia eta gure Jota' ikuskizuna abenduaren 27an iritsiko da Baluartera

Baluarteko Areto Nagusiak Zarzuela Handia eta gure Jota ikuskizuna hartuko du heldu den abenduaren 27an, arratsaldeko 18:30ean. Emanaldiak gure musika-tradizioaren adierazpen adierazgarrienetako bi bilduko ditu oholtza gainean: jota eta zarzuela. Miguel Ángel Tapia musika-zuzendariaren gidaritzapean, Nacho del Río, Beatriz Bernad, Montserrat Martí eta Beatriz Gimeno abeslariek hartuko dute parte, Miguel Ángel Berna dantzariarekin, Amici Musicae abesbatzarekin eta Esencia de Aragón dantza-konpainiarekin batera.

Ehun artista baino gehiago arituko dira ekoizpen handi honetan. Kantuak, musikak eta dantzak bat egingo dute, jotaren indarra eta emozioa nahiz zarzuelako erromantza ezagunenetako batzuk eskaintzeko. Sustrai herrikoiko musikaren eta espainiar lirika-musikaren ospakizun hau Gabonetako jai betean iritsiko da Iruñeko auditorioa den Baluartera.

Sarrerak 40, 45 eta 50 eurotan Baluarteko txarteldegian eta NICDOren informazio- eta salmenta-gunean, La Morea merkataritza-gunean salgai daude. Halaber, online ere eskuragarri daude, www.baluarte.com webgunearen bidez, 43 / 48 eta 53 eurotan (kudeaketa-gastuak barne). Gainera, Sarrera Irisgarriak (MUPak eta PDSak) erosteko aukera dago.