Yerai Cortések Flamenco on Fire Jaialdiari amaiera bikaina emango dio abuztuaren 29an

Yerai Cortés flamenko garaikideko gitarristak Flamenko on Fire Jaialdiaren XIII. edizioari amaiera emango dio Baluarten datorren abuztuaren 29an, gaueko 21:15ean. Alacanteko musikariak Solo aurkeztuko du Areto Nagusian, gitarra flamenkoaren ikuskizun intimista, bitartekaririk gabeko jatorrira eta ukitura itzultzea proposatzen duena; emanaldiak apaingarriak alde batera utzi, eta bakarkako gitarra-jotzearen muinean jartzen du arreta.

Solo ikuskizunerako sarrerak 30 €/ 35 €/ 42 € eta 48 € balio dute, eta Baluarteko leihatilan eta NICDOk La Morea merkataritza-gunean duen informazio- eta salmenta-puntuan eros daitezke. Online ere eskura daitezke, www.baluarte.com webgunearen bidez: 30,95 €/ 35,95 €/ 42,95 €eta 48,95 € (kudeaketa-gastuak barne). Gainera, Sarrera Irisgarriak (MUPak eta PDSak) erosteko aukera dago.