Gospel onena urtarrilaren 3an iritsiko da Baluartera Mississippi Gospel Choir-en eskutik

Baluarteko Areto Nagusiak Mississippi Gospel Choir taldearen kontzertua hartuko du, gospel musikaren erreferente bat Estatu Batuetan. 20 ahots beltzez osatutako abesbatza honekin hitzordua heldu den urtarrilaren 3an izango da, arratsaldeko 20:00etan Areto Nagusian. Mississippi Gospel Choirrek ibilbide bat eskainiko du, XIX. mendeko abesti espiritualetatik hasi eta askatasunaren aldeko protesta eta martxen omenaldira arte, non Oh Happy Day!, Jesus Loves Us, When the Saints Go Marching In edo A Change is Going to Come bezalako kantu ezagunak ez diren faltako. Espainiatik egiten duen hemezortzigarren bira honetan, gospel musikaren proposamen hau funk eta blues doinuekin osatuko da.

JPN Concerts-ek ekoiztutako kontzertu honetarako sarrerak 34,95 eta 39,95 eurotan www.baluarte.com webgunean, Baluarteko leihatilan eta NICDOk La Morea merkataritza-gunean duen salmenta-gunean eskura daitezke.