Ángel Martínek 'Somos Monos' ikuskizuna aurkeztuko du Baluarten azaroaren 7an

Ángel Martín umorista, komunikatzailea eta osasun mentaleko erreferentea Somos Monos ikuskizunarekin itzultzen da agertokietara. Oraingoan, bere proposamenik gaurkotuena eta garratzenarekin, eta Baluarten geldialdi bat egingo du datorren azaroaren 7an, arratsaldeko 20:00etan. Punto para los locos emanaldiarekin Iruñeko auditoriumeko eszenatokitik modu arrakastatsuan igaro ondoren (2023ko urria eta 2024ko abendua), Angel Martinek bere bakarrizketa berria aurkeztuko du Areto Nagusian, eta galdera handi bat egingo dio publikoari: garuna erabiltzeari utzi al diogu?

Guztiok bizi dugun errealitate batean oinarrituta —hozkailua irekitzea armairutik ateratzen dugun zerbait gordetzeko, arrautza bat frijitzeko tutorial baten mende egotea edo Interneten erruz iritzia emateko beldurra izatea—, Ángel Martinek umorezko ohar bat egin du: "garunaren motorra itzali dugu". Somos monos ikuskizunean, Angel Martinek bere buruaz barre egitera gonbidatzen du publikoa; bere kontraesan propioez, eta teknologia, bizi-erritmoa eta sare sozialak pentsatzeko, sentitzeko eta komunikatzeko modua eraldatzen ari diren moduaz.

Umore-ikuskizun honetarako sarrerak 26 eurotan Baluarteko txarteldegian eta NICDOk La Morea merkataritza-gunean duen informazio eta salmenta-putuan salgai daude. Online ere eskura daitezke, www.baluarte.com webgunearen bidez, 26,95 euroan (kudeaketa-gastuak barne). Gainera, Sarrera Irisgarriak (MUPak eta PDSak) erosteko aukera dago.