'Umorearen anatomia' emanaldiak barrearen ikuspegi zientifikoa eskainiko du ostiral honetan MUAK Jaialdiaren atariko gisa

Baluarteko Ganbera Aretoak Umorearen Anatomia: barrearen fenomenoaren ikuspegi zientifikoa emanaldia hartuko du ostiral honetan, urriak 3an, 19:30ean hasita, larunbat arratsalderako aurreikusita dagoen MUAK Navarra Komediaren Urteko Erakusketaren irekiera ofizialaren atariko gisa. José Luis Crespok (Quantum Fracture) eta Laura Camón biologo eta primatologoak umorearen gai iheskorrari buruzko hurbilketa zientifikoa egingo dute hitzordu honetan. Bertan, izateko arrazoia aztertuko dute zientziaren ikuspegitik, baita gure osasunean duen eragina eta Homo Sapiensen bilakaeran duen garrantzia ere. Emanaldian luxuzko gonbidatua izango dute oholtza gainean: Luis Piedrahita gidoilaria eta bakarrizketaria. Sarrera doakoa da gonbidapena jaso ondoren.