Baluarteko terraza kafetegiak kudeatzaile berria izango du, Nafarroako sukaldaritza garaikidearen aldeko apustuarekin

Iruñeko Konstituzio plazan dagoen eta NICDO sozietate publikoak kudeatzen duen Nafarroako Biltzar Jauregi eta Auditorioaren azpiegituraren parte den "Baluarteko terraza" kafetegiak ostalaritza-zerbitzuaren kudeatzaile berria izango du. Horretarako, joan den maiatzean Nafarroako Kontratazio Atariaren bidez argitaratutako errentamendu-deialdira sektorean espezializatutako hiru eragile aurkeztu ziren. Kontratu berriak, beste baldintza batzuen artean, egungo ordutegia baino zabalagoa izango duen irekiera-zerbitzua aurreikusten du. Berriz ireki aurretik, espazioan hainbat berritze-lan egingo dira.

Aurkeztutako hiru eskaintzen balorazioan honako alderdi hauek hartu dira kontuan: proposamen gastronomikoaren koherentzia; ostalaritza-eskaintzaren kalitatea eta bereizgarritasuna; talde kudeatzailearen esperientzia eta ibilbidea; proposamenaren bideragarritasun ekonomikoa; eskainitako errenta; aurreikusitako hasierako inbertsioa; espazioa dinamizatzeko gaitasuna; eta proiektuaren integrazioa Baluarteko kultura-, kongresu- eta erakunde-jarduerarekin.

Hautatutako proposamena, Akari Gastrotekarena, da kalitate gastronomikoa, publikoa erakartzeko gaitasuna eta Baluarteko kultura- eta kongresu-jarduerarekiko integrazioa modu orekatuenean uztartzen dituena, eta, aldi berean, urteko errentaren proposamen lehiakorrena aurkeztu duena.