Baluarte, nazioarteko ikus-entzunezkoen komunitatearen erdigune bihartik larunbata arte

Aurten ere, Baluarte Punto de Vista – Nafarroako Zinema Dokumentalaren Nazioarteko Jaialdiaren egoitza nagusia izango da bihartik larunbatera arte. Nafarroako Gobernuak sustatutako eta NICDO sozietate publikoak antolatutako jaialdiaren 20. edizio honetan –lehenengoa Miquel Martí Freixas zuzendari artistikoarentzat–, ez-fikziozko zinemaren profesionalak eta zaleak elkartuko dira. Osotara zinema dokumentaleko 19 pelikula lehiatuko dira Punto de Vista jaialdiko Sail Ofizialean —zazpi film luze, metraje ertain bat eta hamaika film labur—, Amerika, Asia, Europa eta Afrikakoak. Lau mundu estreinaldi, nazioarteko estreinaldi bat eta hamalau estreinaldi nazional lehiatuko dira sari nagusiak lortzeko.

Sarrerak salgai daude Jaialdiaren webgunean eta Baluarteko txarteldegiaren bitartez. Gainera, aste osoan txartel leihatila osagarri bat jarriko da Baluarteko atondoan. Sarreren prezio orokorra 3 eurokoa da saioko, batzuenak izan ezik, doan sartu ahal izango baita horietara.

Aurten ere programazioa 6 atal handitan antolatuta dago —Sail ofiziala, Fokuak, Lan, Ricercata, X Films eta Txinparta—, eta 90 film inguruk osatzen dute.

2026ko Punto de Vistaren Sail Ofiziala:

1.    3cm of Complexity, Anna Vasof. Austria, Grezia. 2025. 21 min. Espainiako estreinaldia.
2.    Cairo Streets, Abdellah Taïa. Frantzia. 2025. 19 min. Espainiako estreinaldia.
3.    Coroa de Espinhos, Francisco Moura Relvas. Portugal. 2026. 19 min. Munduko estreinaldia.
4.    Daria’s Night Flowers, Maryam Tafakory. Iran, Erresuma Batua, Frantzia. 2025. 16 min. Espainiako estreinaldia.
5.     Desde la montaña vemos la montaña, Julián García Long. Belgika, Argentina. 2025. 32 min. Espainiako estreinaldia.
6.    Esa otra selva blanca, Teresa Arredondo. Txile. 2025. 67 min. Espainiako estreinaldia.
7.    Eurydice in the Underworld, Felicity Palma. Italia. 2025. 14 min. Europako estreinaldia.
8.    Fomos Ficando Sós, Adrián Canoura. Espainia. 2025. 82 min. Espainiako estreinaldia.
9.    I Lit The Fire!, Valeria Lemeshevskaya. Bielorrusia, Kirgizistan, Azerbaijan. 2025. 60 min. Espainiako estreinaldia.
10.    Krakatoa, Carlos Casas. Espainia, Erresuma Batua, Frantzia. 2026. 79 min. Espainiako estreinaldia.
11.    Like moths to light, Gala Hernández López. Espainia, Italia, Frantzia. 2026. 27 min. Espainiako estreinaldia.
12.    Masayume, Nao Yoshigai. Japonia. 2026. 110 min. Espainiako estreinaldia.
13.    Nuestro Cuerpo Es Una Estrella Que Se Expande, Tania Hernández Velasco eta Semillites Hernández Velasco. Mexiko. 2025. 84 min. Espainiako estreinaldia.
14.    OAO, Rocío Mesa. Espainia. 2026. 25 min. Munduko estreinaldia.
15.    Perishable Idol, Majid Al-Remaihi. Frantzia, Qatar, Kuwait. 2024. 18 min. Espainiako estreinaldia.
16.    Sin ton ni son, Víctor Ladera. Italia, España, Portugal. 2026. 30 min. Munduko estreinaldia.
17.    Vegetare, Adrià Expòsit-Goy. Espainia. 2026. 14 min. Munduko estreinaldia.
18.    Waking Hours, Federico Cammarata, Filippo Foscarini. Italia. 2025. 78 min. Espainiako estreinaldia. 
19.    Wishful Filming, Sarah Vanagt. Belgika. 2025. 36 min. Espainiako estreinaldia.