'The Motown Sound' emanaldia, Baluarten abenduaren 15ean Jazzy Leap-en eskutik

Baluarteko Ganbera Aretoak Encantando Denboraldiko emanaldia hartuko du datorren abenduaren 15ean, igandearekin, arratsaldeko 19:00etan: The Motown Sound kontzertua, Jazzy Leap Nafarroako Ganbera Abesbatzaren jazz taldearen eskutik, Andoni Arcilla zuzendariaren gidaritzapean. Gurean aurkeztuko duen kontzertuan, Jazzy Leap-ek parentesi bat egiten du bere Gabonetako gaualdi tradizionaletan, normalean gospel edo swing musika ardatz dutenak; jai-gau honetan, Jazzy Leap-ek eta Jazzy Leap Bandek (oraingoan tronpeta eta tronboiarekin handitua) Motown soinua birsortzea bilatuko dute, diskoetxeko artista handien kantu onenen aukeraketa bat aurkeztuz, besteak beste, Supremes, Jackson 5, Temptations, Marvin Gaye eta Stevie Wonder-enak.

Sarrerak 12 eurotan eta 30 urtetik beherakoentzat, 10 eurotan, ohiko kanaletan eskura daitezke: www.baluarte.com web-orrian, Baluarteko txarteldegian eta NICDOk La Morean duen informazio- eta salmenta-gunean. Gainera, kontzertua baino hiru egun lehenagotik 30 urtetik beherakoek txartelak 4 eurotan erosi ahal izango dituzte (soilik txarteldegian).