Nafarroako Abesbatzen Elkarteak kontzertu sinfonikoa antolatu du Baluarten apirilaren 16an

Nafarroako Abesbatzen Elkarteak kontzertu sinfoniko monumentala antolatu du apirilaren 16an, 20:00etan, Baluarteko Areto Nagusian. Jesús Mª Echeverría zuzendariaren batutapean, Iruñeko Udalaren 2025 Musika Sakratuaren Jaialdiaren programazioaren barruan kokatzen den emanaldi honek FCNAEren Koru Sinfonikoa, Iruñeko Gazte Orkestra eta ahots-bakarlari talde bat bilduko ditu oholtza gainean: Carolina Luquin Duarte (sopranoa), Leticia Vergara Pérez (mezzosopranoa), Josu Cabrero Antolín (tenorra) eta Hodei Yáñez Sorondo (baxua).

Egitarauaren zati bat Hilarion Eslava musikagile burlatarraren Te Deum Laudamus-i eskainiko zaio. Gainera, publikoa Anton Brucknerren Te Deum-aren handikerian murgilduko da, konpositore austriarraren erlijiotasun sakona islatzen duen fede eta esker oneko ereserkia. Eta kontzertuari hasiera emanez, Franz Joseph Haydnen 44. Hileta sinfonia interpretatuko da.

Sarrerak 15 eurotan ohiko kanaletan eskura daitezke: www.baluarte.com web-gunean, Baluarteko txarteldegian eta NICDOk La Morean duen informazio- eta salmenta-gunean.