Puro Relajok Baluarten emanaldia eskainiko du 2025eko otsailaren 9an

Puro Relajo Iruñeko Baluartera itzuliko da 2025eko otsailaren 9an (19:30ean), Puro Relajo, un brindis por la vida ikuskizun berriarekin. 2013az geroztik, Mexikoko musikaren eta garai guztietako herri-musikaren erreferentea den talde nafarrak –bai Foru Erkidegoan, bai inguruko probintzietan– alaitasunez eta sentimenduz beteriko kontzertua eskainiko du. Emanaldian Puro Relajok abesti esanguratsuenak interpretatuko ditu. Areto Nagusiko eszenatokian Txuma Gallués (akordeoia eta ahotsa), Jorge García (gitarra eta ahotsa), David García (gitarra eta ahotsa), Iosu Burguete (tronpeta eta ahotsa) eta Eneko Irigoyen (tronpeta eta ahotsa) arituko dira.

Sarrerak 20, 25 eta 30 eurotan ohiko kanaletan eskura daitezke: www.baluarte.com web-orrian, Baluarteko txarteldegian eta NICDOk La Morea merkataritza-gunean duen informazio- eta salmenta-puntuan.

2013an Aibarren sortutako Puro Relajo taldeak 800 kontzertu baino gehiago eskaini ditu bere ibilbidean zehar Estatu osoan. Nabarmentzekoak dira Donostiako Aste Nagusian, Bilbon eta Gasteizen, hala nola Sanferminetan, Baluarten eta Kursaalen eman dituen emanaldiak.