Puro Relajok emanaldi bikoitza eskainiko du Baluarten maiatzaren 12an

Puro Relajo taldea Baluartera maiatzaren 12an (17:00etan eta 20:00etan) itzuliko da, Puro Relajo, cantando en el tiempo ikuskizun berriarekin. 2013az geroztik, Mexikoko musikaren eta garai guztietako herri-musikaren erreferentea den talde nafarrak –bai Foru Erkidegoan, bai inguruko probintzietan– alaitasunez eta sentimenduz beteriko jaia eskainiko du. Emanaldian Puro Relajok abesti esanguratsuenak interpretatuko ditu. Areto Nagusiko eszenatokian Txuma Gallués (akordeoia eta ahotsa), Jorge García (gitarra eta ahotsa), David García (gitarra eta ahotsa), Iosu Burguete (tronpeta eta ahotsa) eta Eneko Irigoyen (tronpeta eta ahotsa) arituko dira, hala nola beste artista gonbidatu batzuk.

Kontzerturako sarrera gutxi geratzen dira salgai eta www.baluarte.com web-orrian, Baluarteko txarteldegian eta NICDOk La Morea merkataritza-gunean duen informazio- eta salmenta-puntuan eskura daitezke.

2013an Aibarren sortutako Puro Relajo taldeak 800 kontzertu baino gehiago eskaini ditu bere ibilbidean zehar Estatu osoan. Nabarmentzekoak dira Donostiako Aste Nagusian, Bilbon eta Gasteizen, hala nola Sanferminetan, Baluarten eta Kursaalen eman dituen emanaldiak.