Patri Psikologoak eta Radharani Jiménez doktoreak emakumeen osasunari buruzko ikuskizun bat aurkeztuko dute apirilaren 25ean Baluarten

Patri Psikologoak apirilaren 25ean (20:00etan) Baluartera bisita berri bat egingo du Radharani Jiménez doktorearekin batera No soy yo... son mis hormonas ikuskizuna aurkezteko. Jimenez doktoreak eta Patri Psikologoak gomendio praktiko eta errazak emango dituzte gaixotasunak prebenitzeko eta bizitzaz osasun osoarekin gozatzeko; gainera, emakumeen osasunari buruzko mito eta desinformazio horiek guztiak eraisten saiatuko dira, hilekoari, ugalkortasunari, erditze-osteari, emakumeen sexu-desioari eta gorputzarekiko harreman hobeari buruz jakin behar duguna hobeto ezagutzeko.

Sarrerak 30 eurotan www.baluarte.com web-orrian, Baluarteko txarteldegian eta NICDOk La Morea merkataritza-gunean duen informazio- eta salmenta-puntuan eskura daitezke.