Disneyko printzesa «errebeldeak» urriaren 20an iritsiko dira Baluartera

Baluarteko Areto Nagusiak No Me Toques El Cuento ikuskizuna hartuko du urriaren 20an (18:30ean), Disney printzesen alderik ezezagunena eskaintzen duen komedia musikala. 16 urtetik gorakoentzat gomendatutako ikuskizunak Edurnezuri, Aurora, Errauskine eta Bella printzesak izango ditu protagonistak. Disneyko lau printzesa ezagunenetakoak diren hauek matxinatzea erabakitzen dute eta "ipuinaren beste aldea" kontatzea eskatu ere.

Muntaia ganberro, dibertigarri eta errebindikatzaile honek lau printzesa hauen istorioa dakar, bakoitza bere arazoekin. Astean behin elkartzen dira aspalditik, egunean jartzeko eta beren bizitzez eta arazoez askatzeko. Olivia Larak berak sortu eta zuzendutako komedia musikal honetan, kezkatzen dieten gaiez hitz egiten dute (beldurrak, traumak, bikote-gatazkak, konplexuak, dramak...) eta, horrez gain, beste Disney printzesa batzuei buruz aritzen dira, horiekin lotutako pasadizoak eta istorioak kontatuz. Lau protagonisten arteko elkarrizketa dantza eta kantu eszenekin nahastuko da Baluarten.

No Me Toques El Cuento emanaldirako sarrerak 18 eurotan www.baluarte.com webgunean, Baluarteko txarteldegian eta NICDOk La Morea merkataritza-gunean duen informazio- eta salmenta-puntuan eskura daitezke.