Baluarteko publikoa Lewis Carrollen Herrialde Miresgarrian barneratuko da Momixen 'Alice' ikuskizunarekin

Momix, nazioarteko dantza-konpainia berritzaile eta ospetsuenetako bat, Baluartera itzuliko da azken bisita egin eta zortzi urtera. Hain zuzen ere, Moses Pendleton koreografo entzutetsuak zuzendutako dantzari-ilusionisten konpainia estatubatuarra datorren abenduaren 10ean iritsiko da Iruñeko auditoriumera (19:30ean), Baluarte Fundazioaren Denboraldi Nagusiaren baitan, Alice ikuskizuna aurkeztera, Lewis Carrollen Alizia Herrialde Miresgarrian lanaren egokitzapen librea.

Sarrerak 17, 27 eta 38€ eurotan, eta 30 urtetik beherakoentzat, 14, 22 eta 30 eurotan, ohiko kanaletan eskura daitezke: www.baluarte.com web-orrian, Baluarteko txarteldegian eta NICDOk La Morean duen informazio- eta salmenta-gunean. Gainera, kontzertua baino hiru egun lehenagotik 30 urtetik beherakoek txartelak 5, 8 eta 12 eurotan erosi ahal izango dituzte (soilik txarteldegian).

Asmamen bikaineko eta edertasun fisikoko bere lanengatik ezaguna, 1981ean sortutako Momixek argia, itzalak, attrezzoa eta giza gorputza bera erabiltzen ditu ikuskizunetan. Aliziak etengabe eraldatzen ari den Alice bat erakutsiko du Nafarroako hiriburuan, magiaz eta efektu bisualez betetako dantza batean hazi, uzkurtu eta hazten den mugarik gabeko gorputz bat. Momixen proposamen berri honetan, Pendletonen dantzariek beren gorputzak hedatzen dituzte beste dantzari batzuen euskarri, soka eta gorputz berberen bidez, irudi, ispilatze, musika, tresna eta Phoebe Katzinek sortutako jantzi bikain eta liluragarriekin.