'Jungla' haurrentzako dantza ikuskizunak Baluarte Txiki zikloari amaiera emango dio apirilaren 26an

Iragan azaroaz geroztik haurrei eta familiei zuzendutako ikuskizunak aurkeztu dituen Baluarte Fundazioaren Baluarte Txiki programak, datorren apirilaren 26an agurtuko du 2024-2025 Denboraldia ikasturte honetako azken proposamenarekin: Jungla, Big Bouncers konpainiaren eskutik. Jungla-k mota guztietako izakiak, formak, koloreak eta soinuak ager daitezkeen ekosistema batetik bidaia proposatzen du. Espazio horrek handienari eta txikienari ematen die lekua; gorputz desberdinak eta portaera harrigarriak elkartzen diren espazioa. Etengabe kamuflatu, distiratu, flotatu, errebotatu, luzatu eta eraldatzen diren gorputzak.

Sarrerak 10 eurotan ohiko kanaletan eskura daitezke: Baluarteko txarteldegian, www.baluarte.com web-orrian eta NICDOk La Morean duen informazio- eta salmenta-gunean. Gainera, 4 sarrera-sortak ere salduko dira, 30 eurotan. Ikuskizunak 35 minutuko iraupena du eta bertaratzen diren pertsona guztiek sarrera izan behar dute, adina edozein dela ere. Gomendatutako adina: +2 urte