Jammes Garibo ilusionista 'Magic Experience' ikuskizunarekin Baluartera iritsiko da otsailaren 15ean

Jammes Garibo nazioarteko ilusionista datorren otsailaren 15ean (20:00etan) iritsiko da Baluartera, Magic Experience ikuskizunarekin publikoa harrituta uzteko. Magiak bizia hartzen duen unibertso batera eramango du publikoa emanaldi honen bitartez. Magic Experience ikusizunak "Almena Mágica 2019" Espainiako magia-show onenaren saria jaso zuen. Bertan hainbat diziplina uztartzen ditu Garibok: manipulazioa, magia bisuala, ilusio handiak, pertsonen agerpenak eta desagerpenak, sua eta efektu bereziak.

Formatu handiko ilusionismoa duen hitzordu honetarako sarrerak 25 eurotan ohiko kanaletan eskura daitezke: www.baluarte.com web-orrian, Baluarteko txarteldegian eta NICDOk La Morea merkataritza-gunean duen informazio- eta salmenta-puntuan.

Hogei urte baino gehiagoko ibilbide profesionalarekin, Jammes Garibo ilusionistak Espainiako Magia Txapelketa irabazi zuen eszena-manipulazioko espezialitatean, 13 urte besterik ez zituela, eta titulu hori lortu zuen historiako aztirik gazteena bihurtu zen. 2011n, Los Angeleseko (Kalifornia, AEB) Arte Magikoen Akademiak kontratatu zuen Hollywoodeko Magic Castlen aritzeko. Gainera, Estatu Batuetako hiri askotan ibili da, hala nola Filadelfian, New Yorken edo Chicagon; eta, Espainian aritzeaz gain, Europako hainbat herrialdetan ere aritu da, hala nola Frantzian eta Portugalen.