Baluartek 'Go!azen 11 Kontzertuak' ikuskizunaren emanaldi bikoitza hartuko du urtarrilaren 18an

Euskal Telebistako Go!azen telesail arrakastatsua Baluarten bueltan izango dugu heldu den urtarrilaren 18an, arratsaldeko 16:15ean eta 18:30ean, Go!azen 11 Kontzertuak emanaldi bikoitzarekin. Telesaileko aktoreak Areto Nagusiko agertokira igoko dira, abesteko, dantzatzeko eta telesailaren alderdi dibertigarriak kontatzeko. Sarrerak 18 eta 20 euro bitartean www.baluarte.com webgunean, Baluarteko txarteldegian eta NICDOk La Morea merkataritza-gunean duen informazio eta salmenta puntuan eskura daitezke.

Denboraldi honetan, aldaketak izango dira Basakabin! Maitane udalekuko zuzendari berria izendatu dute, eta aurten gainera, omenaldi berezi bat ospatuko da Basakabin. Hori antolatzeko, Leire izendatu dute arduradun, eta honek argi dauka bere alaba Izarrek abestu behar duela galan... Baina Maitane ez dago erabat ados erabakiarekin, eta ikasle denek aukera eduki beharko luketela uste du. Nork abestuko du azkenean? Bitartean, Garazik lana dauka Alaia izeneko neska lagundu nahian, batez ere, Aner Basakabiko lorezain berria dela jakin duenetik.