ElektrAV 2025 Jaialdia NIN3Sen 'The Beginning' ikuskizunarekin hasiko da Baluarten azaroaren 23an

ElektrAV, Abangoardiako eta Teknologia Digitaleko Musika Jaialdia, artea, musika elektronikoa eta teknologia digitala uztartzen dituen programazio berrituarekin itzuliko da bigarren edizioan. Hain zuzen ere, jaialdia azaroaren 23an (20:00etan) Baluarteko Ganbera Aretoan hasiko da, NIN3Sen emanaldiarekin, 2023ko eta 2024ko Grammy sarietan aintzat hartua izan dena. The Beginning ikuskizunak musika elektronikoa eta eszenografia bisual berezia uztartuko ditu, eta ElektrAV 2024/2025en hasiera markatuko duen esperientzia multisentsorial bat eskainiko dio publikoari.

UNER izenez ere ezaguna den artistaren emanaldirako sarrerak 27 eurotan (kontzertuaren egunean bertan 30€) www.baluarte.com web-orrian, Baluarteko txarteldegian eta NICDOk La Morea merkataritza-gunean duen informazio- eta salmenta-puntuan eskura daitezke.

Gainera, NICDO enpresa publikoak kudeatzen duen beste azpiegitura batek, Iruñeko Planetarioak, ElektrAVren jarraipena hartuko du 2025eko martxoaren 6an, Spheral. Visions ikuskizunarekin. Boris Divider ikus-entzunezko artistak IDM (Intelligent Dance Music) musika eta ingurune astronomiko batean aurreratutako bisualekin uztartzen dituen lan murgiltzaile hau aurkeztuko du, teknologia, artea eta zientzia batzen dituen esperientzia sortuz.